"Os equipos de normalización e dinamización lingüística celebran o sábado no Museo do Pobo os seus vinte anos de traballo a prol da calidade do ensino"

http://www.galiciahoxe.com/mare/gh/arredor-da-lingua/idEdicion-2011-06-01/idNoticia-674783/




"No curso 1990-1991 creáronse no seo dos centros de ensino os Equipos de Normalización Lingüística como froito da demanda do profesorado preocupado pola renovación pedagóxica, que desde aquela data continuou a facer un traballo rigoroso e entusiasta, que mesmo soborda os límites do estrito deber, como proban os numerosos premios de innovación educativa que conseguiron moitos dos ENDL."

"Vinte anos despois de se constituíren os equipos, desde a coordinadora considérase que é tempo de celebrar, "malia os atrancos sufridos" ao longo deste labor, que "o profesorado implicado nos ENDL estivo a desenvolver un papel fundamental de dinamización dos centros educativos e na promoción do idioma galego tanto nos centros como na sociedade, o que derivou nunha mellora da calidade do ensino e na formación do alumnado"."